Макей з Латушкам у Мадрыдзе: чыталі Багдановіча, выказалі захапленне беларускамоўнай іспанкай
У інтэрнэце з'явіліся фота з прэзентацыі зборніка перакладаў Багдановіча на іспанскую мову. Адбылася яна ў Мадрыдзе.
Што адметна, на той прэзентацыі прысутнічаў міністр замежных спраў Беларусі Уладзімір Макей і пасол у Францыі і Іспаніі Павел Латушка (адбылося гэта ў межах першага афіцыйнага візіту ў Іспанію).
«Наша Ніва» спыталася ў адной з удзельніц сустрэчы — іспанскага філолага Анхелы Эспіносы (якая і выканала пераклады), пра яе ўражанні ад сустрэчы з беларускімі чыноўнікамі.
«Размаўлялі мы пераважна пра Багдановіча, пра яго значэнне ў беларускай літаратуры. Макей казаў, што акурат культурныя і літаратурныя мерапрыемствы спрыяюць збліжэнню народаў, нават далёкіх (геаграфічна, ідэалагічна, гістарычна і г.д.), Латушка сказаў, што ў адносінах паміж краінамі бываюць канфлікты і непаразуменьні, і ў наш турбулентны час — тым больш, але мастацва і літаратура, і асабліва такія майстры, як Багдановіч — вечныя. І гэта, маўляў, знаходзіцца па-над канфліктамі і палітычнымі інтэрэсамі. Таксама яны спрабавалі наладзіць кантакт з прадстаўнікамі дыяспары», — сказала нам Эспіноса.
«Гавораць яны па-беларуску вельмі добра. Хаця іхні перакладчык і перакладаў з іспанскай на рускую. Таксама яны выказалі захапленне маёй гісторыяй і асабіста паціснулі руку. Казалі, ім прыемна, што дзяўчына з такой далёкай краіны дасканала вывучыла беларускую мову і робіць якасныя пераклады, падзячылі, карацей», — падсумавала перакладчыца.
«Яна пагражала мне фізічна, нападала сэксуальна». Аляксандр Рыбак скардзіцца на сталкерку2
Каментары