Міністр эканамічнага супрацоўніцтва і развіцця Германіі Герд Мюлер перасцярог, што ў выніку пацяплення клімату колькасць бежанцаў з краін Афрыкі можа ў бліжэйшыя гады дасягнуць 100 млн чалавек.
У інтэрв'ю выданню «Bild am Sonntag» нямецкі палітык выказаў меркаванне, што міграцыйныя патокі не спадуць у бліжэйшыя гады, а пытанне бежанцаў застанецца галоўнай тэмай цяперашняга дзесяцігоддзя. Міністр Герд Мюлер падкрэсліў, што афрыканскаму кантыненту трэба даць шанец эканамічна развівацца, у прыватнасці, шляхам распрацоўкі і ўкаранення своеасаблівага «Плана Маршала» для Афрыкі.
Пытанне аб эканамічнай дапамозе Афрыцы стане адной з галоўных тэм саміту найбольш прамысловых краін свету G20, які пройдзе 7-8 ліпеня ў Гамбургу.
Друкуецца ў межах спецыяльнай рубрыкі «Навіны Германіі»
