П’яны пасажыр збіў таксіста за парушэнне правілаў дарожнага руху

Цяпер пасажыру пагражае да трох гадоў пазбаўлення волі.

10 ліпеня п’яны 33-гадовы берасцеец вяртаўся дамоў на таксі. У часе руху пасажыр вырашыў, што кіроўца парушыў ПДР. Кліент вырашыў самастойна пакараць 51-гадовага таксіста. Ён ударыў кіроўцу нагой у бок і рукой у твар, пасля разбіў плафон, які быў на даху машыны.

У выніку, у дачыненні да п’янага кліента распачалі крымінальную справу за хуліганства.

УШ

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ