Надзвычайны і Паўнамоцны пасол Балгарыі ў Беларусі прафэсар д-р Петка Ганчаў адказаў на ліст старшыні Партыі БНФ Лявона Баршчэўскага.
"Шаноўны спадар Баршчэўскі! Зь невялікім спазьненьнем я даведаўся аб непрыемнай сытуацыі, якая была выкліканая непрадуманым публічным выказваньнем уласьніка футбольнага клюбу "Леўскі" спадаром Тодарам Баткавым.
На жаль, выказваньні прыватных асобаў такога кшталту з розных нагодаў трапляюць не ўпершыню ў балгарскія мэдыі, але яны ні ў якім разе не зьяўляюцца афіцыйнай пазыцыяй балгарскай палітыкі.
Балгарскі і беларускі народы маюць ня толькі агульныя карані, а на працягу вякоў заўсёды сябравалі са шчырай і цёплай сымпатыяй. Я ўласна ў якасьці Надзвычайнага і Паўнамоцнага пасла Рэспублікі Балгарыя ў Рэспубліцы Беларусь за мінулыя тры гады шмат зрабіў для яднаньня і разьвіцьця пры новых умовах шматбаковых адносінаў паміж нашымі краінамі і народамі, і лічу, што падобныя непрадуманыя выказваньні не павінны ўспрымацца сур'ёзна і ня трэба зьвяртаць на іх такой увагі.
17:10, 28 жніўня 2008, Надзвычайны і Паўнамоцны пасол Балгарыі ў Беларусі прафэсар д-р Петка Ганчаў
