Настаўніца беларускамоўнага класа ў Гомелі Кацярына Казлова (злева) і завуч Таццяна Гарбачова. Фота радыё «Свабода».
Беларускамоўны першы клас набрала гімназія №36 імя Івана Мележа на вуліцы Братоў Лізюковых. Весці клас будзе маладая настаўніца, выпускніца Гомельскага педагагічнага каледжа імя Выгоцкага Кацярына Казлова. Родам яна з радзіміцкай глыбінкі — з Чачэрскага раёна.
У Менску дзейнічаюць 6 беларускамоўных школ ды гімназій і адзін напаўпадпольны ліцэй. Трымаецца беларускамоўная гімназія ў Барысаве. Ініцыятыўныя групы бацькоў нядаўна дабіліся таксама адкрыцця беларускамоўных класаў у Гродне, Брэсце, Баранавічах, Магілёве.
0
0
0
0
0
0
