«Вейшнорыя», «Весбарыя» і «Лубенія» нападаюць на Беларусь і Расію. Гэта сцэнар вучэнняў «Захад—2017». Яго прадставіў першы намеснік міністра абароны Алег Белаконеў на брыфінгу ў Мінску.
фота Сяргея Гудзіліна.
Паводле легенды, адносіны паміж суседнімі краінамі пагоршалі на глебе міжнацыянальных, этнічных і рэлігійных супярэчнасцяў, а таксама тэрытарыяльных прэтэнзій.
«Лубенія» — паўночна-ўсходняя частка Польшчы, паўднёва-заходняя частка Літвы (так званы «Сувалкаўскі калідор»).
«Весбарыя» — Літва, заходняя і цэнтральная частка Латвіі.
«Вейшнорыя» — паўночна-заходняя частка Гродзенскай, Мінскай і Віцебскай вобласці. Цікава, што ў якасці асобнай дзяржавы «Вейшнорыі» абазначаны раёны Беларусі з вялікай доляй каталіцкага насельніцтва. Беларусь жа нанесеная на мапу ў абсечаным выглядзе.
Чытайце таксама:
Начальнік Генштаба выказаўся пра «Захад-2017»: згадаў «Правы сектар», папракнуў НАТА, паабяцаў вывад расійскіх войскаў
