За спробу зняць з чужой банкаўскай карты грошы адшукваецца мужчына, паведамілі «Мінск-Навінам» у Партызанскім РУУС.
— У міліцыю з заявай звярнуўся мужчына. Ён растлумачыў, што ненадоўга пакінуў сваю куртку на лавачцы, а вярнуўшыся, не знайшоў у верхняй вопратцы пашпарт, пасведчанне кіроўцы, 200 рублёў і банкаўскую карту. Супрацоўнікі аддзела крымінальнага вышуку ўстанавілі, што праз некалькі гадзін невядомы грамадзянін спрабаваў зняць грошы са скрадзенай карты, — распавяла афіцыйны прадстаўнік Партызанскага РУУС Наталля Ганусевіч.
Прыкметы: на выгляд 40-45 гадоў, валасы цёмныя сярэдняй даўжыні, нос прамы, быў апрануты ў джэмпер з гарызантальнай паласой. Калі вам што-небудзь вядома пра мужчыну на фота, просьба паведаміць у Партызанскі РУУС (зав. Стаханаўскай, 5) або патэлефанаваць: 8 (017) 398-90-20, 398-90-30 або па тэлефоне 102. Канфідэнцыяльнасць гарантуецца.
