У Мінску няма электрычнасці ў мікрараёнах Сухарава, Каменная Горка і Кунцаўшчына. Таксама аб адключэнні электраэнергіі стала вядома ў Дзяржынску і Заслаўі. Гэтую інфармацыю Tut.by пацвердзілі ў Мінскэнерга.
Прэс-сакратар Мінскэнерга Міхаіл Юдзін распавёў, што ў 10.49 на ЦЭЦ-4 адбылася пазаштатная сітуацыя. У прыватнасці, адбылося адключэнне абсталявання з-за чаго «парушана электразабеспячэнне шэрагу спажыўцоў Мінска і Мінскай вобласці».
«Прычыны высвятляюцца. Робяцца ўсе неабходныя захады», - сказаў Юдзін.
Як паведамляе 115.бел, на мінскай ЦЭЦ-4 адбылася аварыя, таму ў шэрагу раёнаў можа не быць і вады.
Пазаштатнай сітуацыяй стаў разрыў трансфарматара, які не суправаджаўся гарэннем. Пра гэта паведаміла мінскае ўпраўленне МНС.
0
0
0
0
0
0
