Кіраўнік урада Іспаніі Марыяна Рахой заявіў, што рэферэндуму аб незалежнасці Каталоніі не будзе, перадаюць інфармагенцтвы.
«Я даў указанні накіраваць у Канстытуцыйны суд пазоў супраць сепаратысцкіх рашэнняў каталонскіх уладаў са спасылкай на неканстытуцыйнасць», — сказаў прэм'ер, заключыўшы, што «рэферэндуму аб самавызначэнні не будзе».
Раней стала вядома, што парламент Каталоніі ўхваліў 6 верасня закон аб рэферэндуме аб самавызначэнні. Ініцыятыву падтрымала сепаратысцкая кааліцыя. Па яе версіі, закон рэгулюе прававую базу для арганізацыі плебісцыту, які прыхільнікі незалежнасці Каталоніі хочуць правесці 1 кастрычніка.
Іспанскі ўрад неаднаразова заяўляў, што не дазволіць правесці плебісцыт, які пасягае на адзінства і цэласнасць дзяржавы.
0
0
0
0
0
0
