Аўстралія з космасу
Да гэтага часу ў Аўстраліі не было касмічнага агенцтва. Між тым, як адзначаецца, адпаведная галіна імкліва развіваецца. Таму і было прынята рашэнне аб фарміраванні новай структуры, якая дапаможа дзяржаве ў рэалізацыі перспектыўных праектаў.
«Глабальная касмічная індустрыя хутка развіваецца, і вельмі важна, каб Аўстралія стала часткай гэтага росту. Нацыянальнае касмічнае агенцтва зможа гарантаваць наяўнасць доўгатэрміновага стратэгічнага плана развіцця касмічных тэхналогій і дазволіць забяспечыць рост нашай унутранай касмічнай індустрыі», — заявіла спадарыня Кэш.
Чакаецца, што стварэнне нацыянальнага касмічнага агенцтва Аўстраліі дасць магчымасць сфарміраваць у краіне тысячы новых працоўных месцаў.
Для рэалізацыі перспектыўных праектаў у касмічнай сферы спатрэбяцца спецыялісты ў самых розных галінах.
Па ўсёй бачнасці, новая структура будзе ўзаемадзейнічаць з касмічнымі агенцтвамі іншых краін. У іх ліку называюцца Нацыянальнае ўпраўленне ЗША па паветраплаванні і даследаванню касмічнай прасторы (NASA), а таксама «Раскосмас».
