У пабліку «Падслухана Дзяржынск» апублікавалі фотаздымкі гравійнай дарогі пад вёскай Дзягільна. Дарожнікі нанеслі разметку наўпрост на пясок, бруд і лужыны.
Дзяржынскія камунальшчыкі адказаваюць, што праблемы насамрэч няма.
«Для разметкі мы нанялі СП «Трансбуд». Яны займаліся разметкай асфальтавай дарогі, а гэты кавалак гравійкі ідзе перад асфальтам. І як нам патлумачылі рабочыя, проста прадзімалі тэхніку, каб яна нармальна працавала. Звычайны рабочы момант, нічога такога. А людзі ўбачылі і раздзьмулі з гэтага праблему», — распавёў работнік камунальнай службы.
