У Мінску ацяпленне ў жылым сектары пачнуць уключаць у пачатку наступнага тыдня.
Пра гэта, як паведамляе БелТА, паведаміў сёння начальнік Мінскага гарадскога ўпраўлення па наглядзе за рацыянальным выкарыстаннем паліўна-энергетычных рэсурсаў Ігар Тур на пасяджэнні рабочай групы па пытаннях ўтрымання і добраўпарадкавання тэрыторыі сталіцы.
«Паводле існуючых правілаў падрыхтоўкі да асенне-зімовага перыяду, падача ацяплення ў жыллёвы фонд пачынаецца пры ўмове, калі сярэдняя тэмпература вонкавага паветра на працягу пяці дзён не перавышае 8 градусаў. Мяркуецца, што ўжо з панядзелка-аўторка пачнецца ацяпленне жылога сектара сталіцы», — сказаў Тур.
Ён растлумачыў, што ў мэтах правільнага ўключэння сістэм, недапушчэння гідраўдараў і зрыву цыркуляцыі цепланосьбіта неабходна падключаць ацяпленне планамерна, з паступовай напрацоўкай сеткавай вады. Поўнае ўключэнне ацяплення ў жылфондзе Мінска адбываецца на працягу пяці дзён. Падключэнне таго ці іншага дома залежыць у тым ліку ад яго аддаленасці ад цеплакрыніц.
У аўторак у Мінску пачалі даваць цяпло ў дзіцячыя сады, школы і бальніцы.
На нарадзе ў Лукашэнкі публічна пасварыліся чыноўнікі. Ён не ведаў, каго падтрымаць15
Каментары