Моркву, якую выгадаваў амерыканскі фермер Крыстафер Квалі са штата Мінесота (ЗША), прызналі самай вялікай у свеце, пішуць інфармагенцтвы са спасылкай на UPI.
guinnessworldrecords.com
Карняплод важыць 10,18 кг. Гэта на адзін кілаграм і шэсць грамаў больш, чым у ранейшага рэкардсмена. Трапленне ў Кнігу рэкордаў Гінеса Квалі тлумачыць «глебай, насеннем, надвор'ем і крышачкай удачы».
Агароднік вырашыў пасадзіць моркву назад у зямлю, але яго цешча паспела адгрызці ад яе кавалачак. «Цяпер яна можа прэтэндаваць на вядомасць у якасці адзінага чалавека ў свеце, які пакаштаваў рэкордную моркву», — пракаментаваў Квалі.
0
0
0
0
0
0