Для рэдагавання ўжо адпраўленага паведамлення трэба навесці курсор на яго і націснуць на піктаграму з алоўкам, якая з'явіцца справа.
Пасля адкрыецца акно рэдагавання, дзе можна змяніць тэкст паведамлення. Для захавання змяненняў трэба націснуць на птушачку справа.
Адрэдагаванае паведамленне будзе пазначанае «(рэд.)», што ў спрэчных момантах стане доказам таго, што сутнасць перапіскі магла быць змененая аднабакова.
Акрамя таго, зараз для дадавання карыстальніка ў чат неабавязкова папярэдне дадаваць яго ў сябры. Замест гэтага можна адправіць яму спасылку для запрашэння. Функцыя даступная для стваральнікаў размовы ў меню. Калі ж спасылку ануляваць, запрашэнні перастануць працаваць.
Новыя функцыі пакуль не даступныя для мабільных дадаткаў, але могуць з'явіцца разам з бліжэйшымі абнаўленнямі.