У Сірыі разбіўся расійскі верталёт Мі-24, дакладвае «Інтэрфакс» са спасылкай на Мінабароны. У выніку авіякатастрофы загінулі абодва пілоты. Яшчэ адзін член экіпажа — борттэхнік — быў адпраўлены ў бальніцу.
Як заявілі ў ваенным ведамстве, прычына падзення верталёта — тэхнічная няспраўнасць. Мінабароны адзначае, што верталёт не абстрэльвалі.
Расійскі верталёт разбіўся яшчэ 31 снежня. Мінабароны паведаміла пра гэта толькі цяпер.
Як высветліла Conflict Intelligence Team, якая адсочвае расійскія страты ў Сірыі, у выніку крушэння верталёта загінулі маёр Арцём Куліш і член экіпажа па прозвішчы Мацвееў.
0
0
0
0
0
0