"Вельмі цяжка будзе каму-небудзь не прызнаць гэтыя выбары", — заявіў Аляксандр Лукашэнка ў гутарцы з журналістамі пасля галасавання на выбарчым участку.
"Нармальна пройдуць выбары, Захад гатовы прызнаць і ўбачыць Беларусь няўзброеным вокам", — сказаў А.Лукашэнка. Пры гэтым ён падкрэсліў, што ў Беларусі выбары "мы праводзім для сябе, для народа".
Жыццё цяперашняй апазіцыі і яе вярхоў недаўгавечнае
"Жыццё цяперашняй апазіцыі і яе вярхоў недаўгавечнае. Ёй засталося літаральна, можа быць, некалькі месяцаў ці гадоў", — заявіў Аляксандр Лукашэнка, гаворачы з журналістамі пасля галасавання.
"На нашай памяці яна знікне, таму што гэта не апазіцыя — яны прадстаўляюць толькі сябе", — сказаў прэзідэнт.У якасці прыкладу нежыццяздольнасці апазіцыі ён прывёў той факт, што на парламенцкіх выбарах яе лідэры змаглі вылучыць толькі сябе.
"Гэтыя сябе ўжо абясцэнілі настолькі, што людзі шарахаюцца ад іх імёнаў, — заявіў А.Лукашэнка. — Трэба даўно даваць дарогу новым, маладым людзям, якія не "засвечаны" ў дрэнных справах, калі такія людзі ў іх ёсць".
Пры гэтым А.Лукашэнка падкрэсліў, што "сапраўдная канструктыўная апазіцыя, якая ўплывае на жыццё ў грамадстве, заўсёды патрэбна". "Калі няма апазіцыі, гэта застой. Рана ці позна мы да гэтага прыйдзем. Апазіцыйны, альтэрнатыўны пункт гледжання павінен быць, — сказаў кіраўнік дзяржавы. — Але гэта не тая апазіцыя, якая падкормліваецца звонку, якая фінансуецца на сто працэнтаў звонку. Ясна, чый пункт гледжання яна будзе адстойваць".