Усяго шэсць зямельных надзелаў было прададзена ва ўласнасць грамадзян Беларусі ў час праведзенага сёння паўторнага аўкцыёну па іх продажы ў Мінскім раёне, паведамляе БелТА.
На аўкцыён было выстаўлена 55 лотаў. Гэта тыя ўчасткі, якія на папярэдніх таргах не знайшлі сваіх гаспадароў. У выніку таргі па іх не прайшлі па аніводным лоце. Шэсць іншых участкаў былі прададзеныя заяўнікам па пачатковай цане, павялічанай на 5%.
Займелі гаспадароў ўчасткі ў в. Пціч (плошча 14 сотак; рэалізаваны за Br29 400), у в. Нялідавічы (13,5 соткі; Br24 150), аграгарадку Сёмкава (10,4 соткі; Br23 100) і (9,7 соткі; Br22 050), у в. Кіршы (11,7 соткі; Br13 404) і в. Бахметаўка (14,5 соткі; Br3 885).
Арганізатарам аўкцыёну выступіў Мінскі абласны цэнтр інвестыцый і прыватызацыі. Бліжэйшы аўкцыён, на які будзе выстаўлена 14 лотаў, адбудзецца 26 студзеня. Заяву на ўдзел у таргах можна падаць па 22 студзеня ўключна.
