3 лютага стала вядома, што расійскі самалёт Су-25 быў збіты з пераноснага зенітна-ракетнага комплексу ў сірыйскай правінцыі Ідліб. Адразу з'явіліся звесткі, што пілот гэтага самалёта Раман Філіпаў, які быў забіты баявікамі, раней нібыта служыў ва ўкраінскай арміі і пасля анэксіі Крыма прысягнуў Расіі. Але стала вядома, што гэта не так.
З-за таго, што полк, у якім служыў Раман Філіпаў, дыслакуецца ў Крыме, першапачаткова і ўзнікла блытаніна. Насамрэч Філіпаў з Прымор'я, быў адным з найлепшых расійскіх пілотаў. Так, яшчэ ў 2013 годзе на агульнаармейскіх спаборніцтвах «Авіядартс» ён, тады яшчэ ў званні капітана, заняў 2-е месца.
Згодна з апублікаванай інфармацыяй, першыя спаборніцтвы па авіядартсе адбыліся ў ліпені 2013 года. У «Авіядартсе-2013» бралі ўдзел 37 экіпажаў ВПС Расіі на штурмавіках Су-25 і верталётах Ка-52, Мі-24 і Мі-28Н.
Раман Філіпаў, які заняў другое месца ў катэгорыі «штурмавая авіяцыя» быў з Чарнігаўкі (Прыморскі край Расіі).
Інфармацыя пра тое, што Філіпаў перайшоў на службу ў расійскую армію з украінскай, грунтавалася на звестках «Новой газеты» і тэлеграм-каналаў.
Чытайце яшчэ: У Сірыі збілі расійскі Су-25. Загінуў пілот
***
На тэлеграм-канал «Нашай Нівы» можна падпісацца тут.
