З 1 сакавіка расійскім вайскоўцам забароняць карыстацца смартфонамі з фотакамерамі і сістэмамі спадарожнікавай навігацыі, паведамляе «Камерсант».
У Генштабе склалі спіс прылад, якімі можна будзе карыстацца вайскоўцам. Гэта простыя кнопкавыя тэлефоны гандлёвых марак Nokia, TeXet, Alcatel і Samsung.
Такім чынам у арміі маюць намер змагацца з уцечкамі інфармацыі.
Ваеннае ведамства як мінімум з 2014 года мае шмат праблем з-за гэтага: так, падчас анэксіі Крыма вайскоўцы рабілі фотаздымкі на аб'ектах, якія належалі ўкраінскай арміі.
Гэтыя здымкі трапілі ў інтэрнэт і выкарыстоўваліся ў якасці доказаў расійскай агрэсіі ва Украіне.
Таксама, па дадзеных газеты, Мінабароны было незадаволена фатаграфіямі з базы Хмеймім ў Сірыі, зробленымі пасля мінамётнага абстрэлу.