Брытанія лічыць «ненатуральнай» прапанову Расіі сумесна расследаваць атручванне былога палкоўніка ГРУ Сяргея Скрыпаля і яго дачкі Юліі, заявілі прадстаўнікі брытанскай дэлегацыі ў Арганізацыі па забароне хімічнай зброі (АЗХЗ), паведамляе BBC.
Прадстаўнікі дэлегацыі пракаментавалі расійскую прапанову падчас паседжання выканаўчага камітэта АЗХЗ ў Гаазе, дзе абмяркоўваецца атручэнне Сяргея і Юліі Скрыпалей.
«Расійская прапанова аб сумесным расійска-брытанскім расследаванні інцыдэнту ў Солсберы ненатуральная. Гэта тактыка адцягнення ўвагі, і будзе яшчэ больш дэзінфармацыі з мэтай сысці ад пытанняў, на якія павінны адказаць расійскія ўлады», — гаворыцца ў заяве брытанскага прадстаўніцтва пры АЗХЗ, апублікаваным у «Твітары» дэлегацыі.
0
0
0
0
0
0