5 красавіка тры метэастанцыі Брэсцкай вобласці абнавілі тэмпературныя рэкорды, паведамілі Tut.by у Брэстаблгідрамеце.
Фота: Анжаліка Васілеўская, Tut.by
У Баранавічах паветра прагрэлася да +20,5°С. Мінулы тэмпературны рэкорд быў зафіксаваны ў 2009 годзе і склаў +20,4°С.
У Пінску слупок тэрмометра падняўся да 21,7 градуса цяпла. Пры гэтым 5 красавіка 1946 года тут было +21,2°С.
У Лунінецкім раёне на метэастанцыі «Палеская» тэмпература паветра склала 21,7 градуса. Ранейшы рэкорд, зафіксаваны 11 гадоў таму, складаў 20,8°С.
