Lemonde.fr
Прэзідэнт Францыі Эманюэль Макрон заявіў, што ён прыме рашэнне аб авіяўдары па аб'ектах урадавых войскаў у Сірыі ў адказ на хімічную атаку у сірыйскім горадзе Дума, калі будуць сабраныя ўсе неабходныя доказы гэтага інцыдэнту, перадае Reuters.
«Нам трэба будзе прыняць рашэнні (аб авіяўдары), калі прыйдзе час», - сказаў францускі лідар. Прэзідэнт падкрэсліў, што перш неабходна ўсё старанна праверыць.
Ён дадаў, што ў французскіх уладаў маюцца доказы таго, што хімічная атака адбылася з падачы прэзідэнта Сірыі Башара Асада. Аднак Макрон адзначыў, што неабходна не дапусціць эскалацыі сітуацыі на Блізкім Усходзе.