Нацыянальны аэрапорт Мінск у сакавіку стаў другім у Еўропе ў рэйтынгу OAG па рэгулярнасці палётаў, паведамілі БелТА ў прэс-службе аэрапорта.
Даследчая кампанія OAG абвясціла рэйтынг за сакавік 2018 года. Паводле справаздачы OAG па рэгулярнасці палётаў за сакавік бягучага года аэрапорт Мінска заняў пятае месца на міжнародным узроўні і другое месца на рэгіянальным узроўні (Еўропа) пасля аэрапорта Саарбрукен (Германія).
OAG - даследчая кампанія са штаб-кватэрай у Вялікабрытаніі, якая прадстаўляе найбольш дакладную інфармацыю аб статусе рэйсаў аэрапортам, авіякампаніям, абслуговым кампаніям, кансультантам па ўсім свеце.
РУП «Нацыянальны аэрапорт Мінск» - першы міжнародны аэрапорт Беларусі, сертыфікаваны ў адпаведнасці з міжнародным стандартам ISO 9001. Палёты са сталічнага аэрапорта выконваюцца больш як па 40 міжнародных кірунках.
