Ацэнка дзяржаваў праводзілася па 44 параметрах.
Сярод іх улічваўся ўзровень даходу, эканамічнае разьвіцьцё і задаволенасьць жыцьцём жыхарамі пэўнай краіны, а таксама здароўе нацыі, наяўнасьць якаснай адукацыі ды рэлігійная свабода.
«Мэта нашага рэйтынгу — вызначэньне ўзроўню росквіту не самой краіны, а яе насельніцтва, задаволенасьцю жыцьцём усіх грамадзянаў», — мяркуе Уільям Інбодэн, віцэ‑прэзыдэнт Legatum Institute.
 |
Такім чынам супаставіўшы ўсе парамэтры, самай квітнеючай краінай сьвету зьяўляецца Аўстралія.
Другое месца дзеляць Аўстрыя і Фінляндыя, 4‑е — Нямеччына, Сінгапур і ЗША, 7‑е — Швайцарыя, 8‑е — Ганконг, 9‑е — Данія і Новая Зэляндыя.
Славенія і Чэхія займаюць 23‑е месца, Славакія — 31‑е месца.
Эстонія — 36‑е (гэта найлепшы паказчык сярод краін былога СССР), Польшча — 38‑е, Латвія — 41‑е, Казахстан — 56‑е, Расея — 57‑е, Украіна — 68‑е.
Беларусь займае толькі 78‑е месца (паводле эканамічных паказчыкаў Беларусь знаходзіцца на 70‑м месцы, паводле задаволенасьці жыцьцём ‑‑ на 81‑м).Прычым за год наша краіна зьляцела на шэсьць пазыцый у агульным рэйтынгу. Узровень даходу на душу насельніцтва складае 10 тыс. 900 даляраў у год. Гэта на мяжы узроўню нізкіх (да 10 000 даляраў) і сярэдніх даходаў на душу наесльніцтва (ад 10 000 да 20 000).
На 77‑м месцы знаходзіцца Манголія, на 79‑м — Ліван. З краінаў СНД горшыя справы толькі ва Ўзбэкістана (ён 80‑ты) ды Малдовы. Гэта краіна — на 83‑м месцы разам з Гандурасам.
Сямёрка найгоршых краін наступная:
Нэпал, Зімбабвэ, Танзанія, Цэнтральна‑Афрыканская Рэспубліка, Малі, Замбія, Емэн (гэта краіна займае апошні, 104‑ты, радок).
Што праўда, у гэтым рэйтынгу ўлічана толькі палова усіх краін сьвету. Адсутнічае, у рэйтынгу росквіту, напрыклад Літва, Туркменія, Кыргызстан, Таджыкістан.
