14 траўня выдавецтва «Галіяфы» запрашае на прэзентацыю кнігі вершаў Паўла Сіма «Вір».
Вас чакае ўтульны паэтычны фуршэт, падчас якога вы зможаце акунуцца ў вір жыццёвых падзей, эмоцый і перажыванняў аўтара. У сяброўскай атмасферы Арт Сядзібы паразмаўляем пра кнігу і працэс яе стварэння. Акрамя аўтара слова возьмуць паэт Віктар Жыбуль і выдавец Зміцер Вішнёў.
Імпрэза адбудзецца 14 траўня а 19-й у Арт Сядзібе (пр-т Машэрава, 18). Прыходзьце самі і бярыце з сабой сяброў! Уваход вольны.
Набыць кнігу вершаў Паўла Сіма можна як падчас самой імпрэзы, так і ў кнігарні выдавецтва на Нямізе, 3 (цокальны паверх, бокс 47) і на сайце halijafy.by.
Вершы — як прызнанні
Акуніся ў вершы,
Зазірні мне ў вочы,
Там ты ўбачыш першым
Тое, што захочаш.
Я разліўся ў строфах,
Скрыгаце сугуччаў,
У сваіх зароках,
Дай Бог, неўміручых.
Думкі ў шчасці, суме
Аддаю дазвання.
Зазірні ў душу мне:
Вершы — як прызнанні.
