У кампаніі Facebook праходзіць маркетынгавае даследаванне гатоўнасці карыстальнікаў плаціць за доступ да сацыяльнай сеткі без рэкламы і паляпшэнне прыватнасці, паведамляе Bloomberg.
Такое рашэнне было прынята пасля скандалу з уцечкай персанальных дадзеных.
У кампаніі задумаліся над тым, каб прапанаваць карыстальнікам выбар: альбо штомесяц плаціць за доступ да сеткі і пры гэтым не бачыць рэкламу, або Facebook будзе даступны бясплатна, але сацыяльная сетка будзе паказваць аб'явы і збіраць больш дадзеных пра чалавека.
Паведамляецца, што такое даследаванне ўжо праводзілася раней, аднак яно было накіравана на вывучэнне спосабаў павелічэння аўдыторыі. Цяпер жа гаворка ідзе пра тое, каб прапанаваць выбар тым людзям, якія надаюць асаблівую ўвагу апрацоўцы і выкарыстанню персанальных дадзеных.
Заснавальнік Facebook Марк Цукерберг пакуль не каментуе гэту сытуацыю. Ён заявіў, што ў Facebook заўсёды будзе магчымасць доступу без грошай.
