Міністр працы распавяла, ці будуць лічыцца дармаедамі тыя, хто працуе за мяжой
Пра гэта заявіла міністр працы і сацыяльнай абароны Ірына Касцевіч у парламенце, дзе абмяркоўваўся абноўлены дэкрэт па дармаедстве, піша Tut.by.
Так тым, хто легальна працуе за мяжой, каб не патрапіць у спіс дармаедаў, трэба будзе дакументальна пацвердзіць працаўладкаванне за мяжой. Пры гэтым для гэтага не трэба будзе прыходзіць у камісіі.
— Будзе распрацавана на адпаведных сайтах адпаведнае акно, дзе чалавек у электронным выглядзе можа паведаміць пра тое, што ён працуе ў Расіі ці іншай краіне, на такім прадпрыемстве. Гэта практыка была і па папярэднім дэкрэце, яна вельмі добра сябе паказала, - адзначыла Ірына Касцевіч.
Каментары