У выходныя сталі вядомыя вынікі цэнтралізаванага тэставання па беларускай мове. Максімальныя сто балаў набраў 21 абітурыент, піша Tut.by.
Усяго, як паведамлялі ў Рэспубліканскім інстытуце кантролю ведаў, тэст па беларускай мове гэтым летам пісала каля 24 тысяч чалавек. Трое з іх атрымалі нуль балаў.
— Сярэдні бал усіх, хто здаваў беларускую мову, амаль 36 балаў, — распавядае Юрый Міксюк, дырэктар РІКВ.
Па словах кіраўніка Рэспубліканскага інстытута кантролю ведаў, вынікі ЦТ па рускай мове, хутчэй за ўсё, будуць гатовыя ўжо ў аўторак.