Галасавы памочнік Siri перабіла міністра абароны Вялікабрытаніі Гэвіна Уільямсана падчас яго выступу ў палаце абшчын.
Уільямсан зачытваў даклад аб барацьбе ў Сірыі з тэрарыстамі «Ісламскай дзяржавы». На слова «Сірыя» адрэагаваў яго тэлефон, які знаходзіўся ў кішэні пінжака.
«Я сёе-тое знайшла ў інтэрнэце па запыце «Сірыйскія дэмакратычныя сілы, якія падтрымліваюцца… », - адрэагавала Siri.
Міністр пасмяяўся з гэтай сітуацыі, выбачыўшыся і сказаўшы, што рэдка чалавека перабівае ўласны тэлефон.
У сваім акаўнце ў Twitter Уільямсан адзначыў, што такая сітуацыя стала адным з падводных камянёў набыцця новага iPhone. «Я павінен папрасіць маю трынаццацігадовую дачку навучыць мяне ім карыстацца!» - напісаў міністр.
0
0
0
0
0
0
