Французская кампанія Akka Techonologies прадставіла праект гібрыда самалёта і цягніка Link & Fly.
Link & Fly пры пасадцы прыбірае крылы і можа працягваць далейшы шлях як звычайны цягнік.
Габарытамі самалёт можна параўнаць з Airbus A320: размах крылаў паветранага судна складае 49 метраў, даўжыня — 34 метры, вышыня — восем метраў. Апарат можа перавозіць да 160 пасажыраў.
У кампаніі разлічваюць, што распрацоўка дазволіць разгрузіць буйныя транспартныя шляхі і падвысіць прывабнасць авіяпералётаў — пасажырам не прыйдзецца самастойна дабірацца ў горад з аэрапортаў, якія часта знаходзяцца на ўскраіне або ў іншым населеным пункце.
