Паводле яго інфармацыі, у асноўнай масе аператары зарэгістравалі павышэнне тарыфаў у сярэднім на 20%. «Аднак некаторыя аператары зніжаюць цэны з‑за канкурэнтнай барацьбы», — зазначыў начальнік упраўлення.
Ён паведаміў, што «цэны на паслугі таксі змяняюцца не адначасова, не з пэўнай даты. Змяненне тарыфаў распачата з сярэдзіны кастрычніка».
Як раней паведамляў БелаПАН дырэктар асацыяцыі «Сталічнае таксі» Канстанцін Кузьмянкоў, жаданне таксістаў павысіць тарыфы звязана з ростам цэн на гаруча‑змазачныя матэрыялы і запасныя часткі. Ён зазначыў, што пра новыя тарыфы на таксі можна даведацца ў дыспетчарскіх службах фірм‑аператараў.
У службах таксі «107» і «135» БелаПАН паведамілі, што павышэнне тарыфу чакаецца 10 лістапада і ён складзе 1.580 рублёў за кіламетр.
У асацыяцыю «Сталічнае таксі» ўваходзяць 20 аператараў таксі. У горадзе працуе каля 3,5 тыс. таксі.
Як паведамлялася раней, 5 лістапада павышаны межавыя тарыфы на паслугі маршрутных таксі ў Мінску ў сярэднім на 20%.