Аляксандр Лукашэнка на палях ААТ «Александрыйскае» выпрабаваў збожжаўборачны камбайн «Палессе GS2124», перадае БелТА.
Пра намер паназіраць за працай гэтай тэхнікі ў палявых умовах кіраўнік дзяржавы заявіў напярэдадні, наведваючы «Гомсельмаш», дзе яму і быў прадэманстраваны камбайн.
Збожжаўборачны камбайн GS2124 створаны на базе мадэлі КЗС-1624 і атрымаў шэраг высокатэхналагічных навацый, напрыклад, магчымасць кіравання па спадарожніку або па сігнале ад станцыі навядзення на Зямлі. Камбайн абсталяваны сістэмай дакладнага земляробства, якая вызначае колькасць ураджаю, сабранага з пэўнага сегмента, а затым фармуе карту ўраджайнасці поля. Сістэма саломасепаратара дазваляе працаваць на падвышаных хуткасцях - да 6-8 км/г (пры стандартных 3-3,5 км/г).
Беларускі камбайн не саступае замежнаму аналагу ў самай дарагой камплектацыі Lexion 770. Зараз тры вопытныя ўзоры GS2124 праходзяць выпрабаванне на палях Беларусі, у тым ліку ў ААТ «Александрыйскае».
