Галоўны трэнер «Зеніта» Сяргей Сямак пракаментаваў перамогу над мінскім «Дынама» (8:1, першы матч 0:4) у матчы ў адказ 3 раўнда Лігі Еўропы.
«Цяжкі матч абсалютна. Мы верылі да апошняга. Хлопцы верылі ў тое, што гэта магчыма. Магчыма толькі тады, калі ты верыш у гэта.
Вядома, усю каманду закранулі словы пра тое, што ў Мінску каманда поўзала на карачках. Вядома, гэта аказалася для нас дадатковым стымулам. Дзякуй вялікі. Гэта заўсёды па-добраму падахвочвае».
Нагадаем, пасля першай гульні ў Мінску Аляксандр Лукашэнка павіншаваў мінскае «Дынама» з буйной перамогай над «Зенітам» і раскрытыкаваў дзеянні піцерцаў, заявіўшы, што некаторыя гульцы піцерцаў «хадзілі на карачках».
0
0
0
0
0
0