Памёр кіраўнік агенцтва БелаПАН Алесь Ліпай, паведамляе ў сваім фэйсбуку журналіст Андрэй Аляксандраў.
Алесю Ліпаю было 52 гады. Апошнім часам ён хварэў. Пахаванне адбудзецца 26 жніўня ў Рудзенску. Алесь Ліпай — заснавальнік і кіраўнік БелаПАН, найстарэйшага незалежнага інфармацыйнага агенцтва ў Беларусі, якое працуе з 1991 года. Сябра Саюза беларускіх пісьменнікаў і Беларускага ПЭН-цэнтра.
У 2004 годзе БелаПАН быў уганараваны прэміяй імя Дзмітрыя Завадскага — «За мужнасць і прафесіяналізм», а ў 2006-м агенцтва і яго інтэрнэт-выданне Naviny.by атрымалі «Прэмію Рунэта» сярод сайтаў па-за даменнай зонай RU.
БелаПАН быў партнёрам Дня Волі — 2018, прысвечанага 100-й гадавіне абвяшчэння незалежнасці БНР. Сам Ліпай выступаў на гэтым свяце.
14 чэрвеня ў кватэры Ліпая праваахоўнікі зладзілі ператрус. Яго падазравалі ў нявыплаце падаткаў.
Чытайце таксама:
Пяць фактаў пра заснавальніка БелаПАН Алеся Ліпая
У кватэры кіраўніка інфармацыйнай кампаніі БелаПАН Алеся Ліпая — ператрус
Алесь Ліпай. Забiрае Бог паэтаў. Вершы + ФОТЫ
Прамова Алеся Ліпая на «Дні Волі — 2018» ВІДЭА
