Уладзімір Амарын.
Закранаючы сёння пытанне прызначэння новага міністра фінансаў, Аляксандр Лукашэнка заўважыў, што папярэдні кіраўнік ведамства Уладзімір Амарын з'яўляецца добрым спецыялістам.
«Мы вінаватыя самі, што, не разабраўшыся, кінулі яго ў гэтае пекла, улічваючы яго асобныя рысы характару. Ён занадта спакойны чалавек для гэтай пасады, але ён добры спецыяліст. І ён не можа прапасці. Ні ў якім разе нельга загубіць такога спецыяліста», — падкрэсліў кіраўнік дзяржавы.
Паводле яго слоў, Максім Ермаловіч таксама не выпадковы чалавек у Міністэрстве фінансаў. У свой час ён разам з Уладзімірам Амарыным прэтэндаваў на пасаду міністра.
Максім Ермаловіч.
«Для мяне вы былі практычна роўнавялікія, я нават перш аддаваў перавагу тваёй кандыдатуры. Але занадта шмат было тых, хто рэкамендаваў і выступаў за Амарына. І да гэтага, дарэчы, трэба вярнуцца — каб адказвалі за свае рэкамендацыі. Але, улічваючы, што я менш ведаў, чым тыя, хто рэкамендавалі і Амарына, і Ермаловіча, я пагадзіўся прызначыць на пасаду Амарына. Калі ўжо шчыра казаць, як гэта было. Але для сябе я зрабіў выснову: калі чалавек добры фінансіст, дасведчаны работнік, які ведае замежныя мовы, які размаўляе ў свеце на адной і той жа мове з фінансістамі, я вырашыў паглядзець, знікне ці не. Не знік. Прыйшоў час — вырашаем пытанне аб прызначэнні», — канстатаваў Аляксандр Лукашэнка.