Паводле яе слоў, Т.Казыра даслала ёй ліст, у якім напісала, што сумуе і хоча вярнуцца.
«Яна мне сёння пазваніла а 3-й ночы і гаварыла, што хоча вярнуцца, — расказала Н.Новік. — Яна вельмі сумуе. Гаворыць, што калі, напрыклад, ідзе ў краму, то ёй падаецца, што яна бачыць твары сяброў і знаёмых «.
Н.Новік зазначыла,
што сям’я Запата, у якой жыве дзяўчына, прапанавала ёй «добра падумаць».«Да серады ёй далі тэрмін для роздуму «, — паведаміла Н.Новік.
Н.Новік таксама абвергнула інфармацыю аб тым, што прычынай вяртання дзяўчынкі з’яўляецца «нешчаслівае каханне».
***
5 жніўня Т.Казыры, якая знаходзілася ў ЗША на аздараўленні па чарнобыльскай праграме, разам з групай беларускіх дзяцей павінна была вылецець з Сан‑Францыска ў Мінск, аднак да прызначага часу не прыбыла ў аэрапорт. Пазней стала вядома, што дзяўчына падала ў іміграцыйную службу дакументы для прадаўжэння гасцявой візы і застаецца ў ЗША, каб дачакацца рашэнян ўладаў.
У верасні пасольствы замежных краін пацвердзілі інфармацыю аб прыпыненні Мінскам праграм аздараўлення беларускіх дзяцей за мяжой.
Згодна з указам прэзідэнта ад 13 кастрычніка, беларускія арганізацыі змогуць накіроўваць дзяцей на аздараўленне толькі ў тыя замежныя дзяржавы, з якімі Беларусь заключыла міжнародныя дагаворы, што прадугледжваюць дзяржаўныя гарантыі бяспечнага знаходжання беларускіх дзяцей на аздараўленні ў гэтай краіне і іх своечасовае вяртанне. На аздараўленне за мяжу змогуць выязджаць дзеці да 14 гадоў і не больш за тры разы ў адну і тую ж дзяржаву. Выключэнне складае выезд у тыя замежныя дзяржавы, з якімі Беларусь заключыла міжнародныя дагаворы да 1 кастрычніка 2008 года.