У Барысаве знік навучэнец каледжа, паведамляе УУС Мінаблвыканкама.
Спачатку барысаўскай міліцыі стала вядома пра знікненне двух вучняў 3-га курса: Аляксандра Вітальевіча Пручкоўскага 2001 года нараджэння і Цімура Дзмітрыевіча Ерамадзэ 2002 года нараджэння. Яны 12 верасня вышлі з інтэрната навучальнай установы і не вярнуліся. Раней хлопцы неаднаразова сыходзілі з інтэрната і маглі адсутнічаць некалькі сутак.
Цімура Ерамадзэ ўжо знайшлі, хлопчыка вярнулі ў інтэрнат, а Аляксандра яшчэ шукаюць. Яму на выгляд 17 гадоў, рост 175 сантыметраў, сярэдняга складу, твар авальны, смуглявы, коратка стрыжаны. Быў апрануты ў сінія спартовыя штаны, майку з выявай жывёл, цёмна-сінюю шапку.
0
0
0
0
0
0