Чэмпіянат Еўропы па футболе ў 2024 г. пройдзе ў Германіі. Пра гэта было вырашана сёння на выканкаме УЕФА.
Для заяўкі на правядзенне Еўра-2024 былі абраныя стадыёны ў 10 гарадах: Берліне, Мюнхене, Дортмундзе, Гельзенкірхене, Штутгарце, Гамбургу, Дзюсельдорфе, Кёльне, Лейпцыгу і Франкфурце-на-Майне.
Таксама за права правесці ЧЕ змагалася Турцыя.
Германія праводзіла чэмпіянат Еўропы ў 1988 г. і чэмпіянат свету ў 2006 г.
ЧЕ ў 2020 г. пройдзе ў 12 гарадах 11 краін (Лондан, Глазга, Дублін, Більбаа, Амстэрдам, Капенгаген, Мюнхен, Будапешт, Бухарэст, Рым, Баку, Санкт-Пецярбург). УЕФА пайшоў на такі крок з нагоды юбілею арганізацыі. Лёсаванне адборачнага турніру адбудзецца 2 снежня ў Дубліне.
0
0
0
0
0
0