У пасёлку Лойга Архангельскай вобласці, дзе паводле даследчыкаў The Insider і Bellingcat нарадзіўся Аляксандр Мішкін, пазналі яго на фотаздымках Аляксандра Пятрова, які фігуруе ў «справе Скрыпалёў».
Жыхар Лойгі Дзяніс пацвердзіў РБК, што чалавек на фота — гэта Аляксандр Мішкін. Паводле яго, Мішкіна ён не бачыў з часоў заканчэння школы. «У нас як школьныя гады скончыліся, так больш і не бачыліся. Тады тэлефонаў яшчэ не было, не было магчымасці размаўляць, адпаведна, у кожнага сваё жыццё пачалося», — распавёў ён.
Яшчэ адзін жыхар пасёлка пацвердзіў РБК, што на здымку Мішкін. «Я яго памятаю толькі па школе. Дакладна памятаю, вучыўся ён добра. Бацькі, здаецца, у начальніках працавалі, так што сям'я паспяховая была», — адзначыў ён.
0
0
0
0
0
0
