Ініцыятарам правядзення акцыі выступіў галіновы камітэт БРСМ магістралі. Прадстаўнікі Беларускай чыгункі арганізуюць комплекс мерапрыемстваў па праверцы наяўнасці праязных дакументаў (білетаў) у пасажыраў цягнікоў рэгіянальных ліній эканом класа.
Кантроль будзе ажыццяўляцца на пероне пры пасадцы або высадцы з транспартнага сродку. Таксама ўдзельнікі акцыі раздадуць пасажырам тэматычныя памяткі. Акрамя работнікаў магістралі ў мерапрыемстве прымуць удзел таксама супрацоўнікі аддзелаў унутраных спраў на транспарце.
Нагадаем, што ў цяперашні час штраф за безбілетны праезд у цягніках гарадскіх ліній складае ад 0,5 да 1 базавай велічыні (12,25—24,5 рубля), у цягніках рэгіянальных ліній — 0,7 базавай (17 рублёў 15 капеек), міжрэгіянальных і міжнародных ліній — 1 базавую (24 рублі 50 капеек).
