Паводле яго слоў, заданні цэнтралізаванага тэставання (ЦТ) у апошнія гады даводзілася спрашчаць.
«Па матэматыцы 50% заданняў выконваюць ужо без ручкі», — сказаў ён.Пры гэтым па выніках 2008 года колькасць выпускнікоў, якія не выканалі заданне, застаецца стабільна высокай. Так, 1,7% абітурыентаў не набралі ні аднаго бала на іспытах па матэматыцы.
Паводле слоў М.Фяськова, у 2008 годзе быў адзначаны рост вынікаў ЦТ у абітурыентаў, якія «выпусціліся ў 1996 годзе і раней». Гэта супярэчыць агульнай тэндэнцыі, у адпаведнасці з якой у абітурыентаў, якія здаюць ЦТ праз год або некалькі гадоў пасля выпуску, вынікі іспытаў ніжэйшыя, чым у астатніх. Паводле меркавання дырэктара Рэспубліканскага інстытута кантролю ведаў, такая сітуацыя можа сведчыць аб зніжэнні ўзроўню школьнай падрыхтоўкі за апошняе дзесяцігоддзе.
Усяго ў 2008 годзе ў ЦТ узялі ўдзел 176 тыс. чалавек, якія выканалі 457,3 тыс. тэстаў. Паводле слоў М.Фяськова, заданні ЦТ вызначаліся «высокім узроўнем уніфікацыі» і «добрай дыферэнцуючай здольнасцю».
Паводле яго слоў, цяперашняя дыферэнцуючая здольнасць заданняў такая, што далейшае спрашчэнне заданняў яе знізіць і створыць праблемы пры паступленні абітурыентаў у ВНУ. «Мы і надалей будзем удасканальваць працэс цэнтралізаванага тэставання, праўда, без асаблівай спешкі і без радыкальных прапаноў», — сказаў Фяськоў.
