Шоумен Уладзімір Зяленскі ўпершыню пракаментаваў вынікі сацыялагічнага апытання, дзе гаворыцца, што ён у другім туры саступіць прэзідэнцкае месца лідару партыі «Бацькаўшчына» Юліі Цімашэнка. Сваё меркаванне ён агучыў у каментары ТСН 15 лістапада.
«Наконт другога месца — змагацца дык змагацца, калі казаць пра барацьбу. А чаго тут баяцца? У мяне другое, у Цімашэнкі — першае. Нармальна, калі так. Добрая бойка. Але я думаю так, што я, як сапраўдны мужчына, проста абавязаны прапускаць жанчын наперад», — сказаў Зяленскі.
Пры гэтым ён заявіў, што рашэнне пра свой удзел у выбарах ён пакідае на будучыню.
13 лістапада КМІС, Цэнтр Разумкова і сацыялагічная група «Рэйтынг» апублікавалі апытанне з нагоды хуткіх выбараў прэзідэнта.
Так, на выбарах Цімашэнка набрала б 20,7% галасоў, а Зяленскі - 11,4%. На трэцім месцы — прэзідэнт Пятро Парашэнка (10,3%).
Акрамя таго, калі б Цімашэнка і Зяленскі прайшлі ў другі тур, то выбары выйграла б Цімашэнка. Калі б у другі тур прайшоў Парашэнка і Зяленскі, то выйграў бы Зяленскі.
Прэзідэнцкія выбары пройдуць ва Украіне ў сакавіку 2019 года.
Праз паўгода ва Украіне адбудуцца прэзідэнцкія выбары. Хто асноўныя кандыдаты?
