30 лістапада на трасе Р-82, каля аграгарадка Чыркавічы ў Светлагорскім раёне, сутыкнуліся два аўтамабілі. У выніку міліцэйская машына апынулася перакуленай у кювеце, паведамляе «Ранак».
Аўтамабіль ВАЗ Светлагорскага аддзела Дэпартамента аховы, у якім знаходзіліся два супрацоўнікі і службовы сабака, рухаўся з боку Парыч. З боку Жлобіна да скрыжавання пад'язджаў пазадарожнік БМВ. Выязджаючы на галоўную дарогу, кіроўца «бумера» зачапіў жыгулі.
Ад удару ВАЗ вылецеў у кювет і перакуліўся. Людзі не пацярпелі, але сабака па мянушцы Гера атрымаў нязначныя траўмы, бо яго выкінула з салона аўтамабіля.
На месцы аварыі неўзабаве з'явіліся супрацоўнікі дзяржаўтаінспекцыі. Ім трэба будзе разабрацца, хто ўсё ж вінаваты ў здарэнні.
0
0
0
0
0
0