У Клімавічах падлеткі паздзекваліся з магілы, а пасля яшчэ і размалявалі агароджу царквы.
Клімавічы. Фота Vandrouka.by
Дзве непаўналетнія дзяўчыны сарвалі шыльды з крыжоў на дзвюх магілах. Гэтымі шыльдамі яны раскапалі стары магільны пагорак — каб даведацца, што адбываецца з трупам за 30 гадоў. Праўда, сіл давесці справу да канца ў іх не хапіла.
У іншы дзень адна з дзяўчын разам з хлопцам рушылі да царквы. Тут яны апаганілі непрыстойнымі надпісамі і малюнкамі калоны агароджы царквы і будынак нядзельнай школы.
Хлопцу было мала — у іншыя дні ён яшчэ раз намаляваў нешта непрыстойнае на калонах агароджы.
Падлеткаў вырашылі не накіроўваць у калонію. Той дзяўчыне, што не пайшла да царквы, прызначана абмежаванне свабоды на адзін год. Іншая дзяўчына атрымала абмежаванне свабоды на паўтара года, а хлопец — на два гады.
