Мінскі бізнэсмен Алег Пяткевіч, экс-уладальнік начнога клуба «Дозары» і рэстарана «Галерэя» затрыманы ў Мінску супрацоўнікамі КДБ па падазрэнні ў здзяйсненні злачынства, прадугледжанага часткай 2 артыкула 431, дача хабару, паведамілі TUT.BY дзве не звязаныя адна з адной крыніцы. Інфармацыю пацвердзілі ў КДБ.
«Пяткевіч затрыманы 19 снежня за спробу дачы хабару чыноўніку аднаго з абласных выканкамаў», - распавёў суразмоўца.
Іншая крыніца адзначыла, што грошай пры бізнэсмене не было, гаворка ідзе аб падбухторванні.