Урад выконвае умовы МВФ для атрымання крэдыту ў $2 млрд, заявіў старшыня Асацыяцыі беларускіх банкаў (АББ) Фелікс Чарняўскі.
Паводле яго словаў, па многіх пазіцыях кансенсус з МВФ дасягнуты.
Умовы дэвальвацыі, якія нам выставілі, не 20%, а 10%. 5% дэвальвацыі мы ўжо маем, цвердзіць старшыня АББ.
Яшчэ адной умовай было скарачэнне заробкаў.
З гэтым заданнем урад таксама справіўся — з 1 снежня тарыфную стаўку 1 разраду скарацілі з 91 тыс. рублёў да 77 тыс. рублёў (на 15,4%).
За час супрацоўніцтва з МВФ Беларусь атрымала ад фонду дзве траншы крэдыту па праграме сістэмных трансфармацый — у жніўні 1993 г. ($98 млн) і ў лютым 1995 г. ($101,7 млн) і адну траншу крэдыту stand‑by у верасні 1995 г. ($70 млн). Пазней фонд спыніў выдзяленне крэдытаў Беларусі з‑за неадпаведнасці эканамічнай палітыкі ўраду рэкамендацыям фонду.
0
0
0
0
0
0
