Пра гэта ён заявіў сёння на сустрэчы напярэдадні 100-годдзя беларускай дыпламатычнай службы, на якой прысутнічалі міністры замежных спраў, якія ў розны час узначальвалі МЗС Беларусі, піша БЕЛТА.
«Саюз — калі ласка. Аб'яднанне — калі ласка, але толькі гэта людзі павінны вырашыць, а не мы. Мы не адмаўляемся ні ад аднаго тэзіса.
Калі нехта мне пачынае казаць пра аб'яднанне, то ізноў жа з даху: давай валюту агульную. Мы не супраць агульнай валюты, але гэта павінна быць агульная валюта, а не валюта Цэнтрабанка Расіі. Павінен быць эмісійны цэнтр, створаны на роўных умовах. Калі вы прыводзіце прыклад ЕС, добра — на прынцыпах Еўрасаюза, але каб умовы былі роўныя і падыход», — заявіў беларускі кіраўнік.
«Вы хочаце падатковую, мытную палітыку уніфікаваць? Згодзен. Таксама сказаў у мінулы раз: але на лепшых традыцыях і ўмовах, возьмем усё лепшае ў беларусаў і расіянаў. Але не так: мы — вялікія, вы — малыя, давайце рабіце так, як у нас», - працягнуў кіраўнік дзяржавы.
Аляксандр Лукашэнка лічыць, што ў некаторых нападках на Беларусь няма ніякіх міждзяржаўных або міжнародных адносін. «Усё ў прыватнасцях, усё ў асобах, усё ў тым, што камусьці не падабаецца курс, які Беларусь праводзіць. Нават не знешнепалітычны. А тую эканоміку, якую мы будуем, той сацыяльны ўклад, які мы ствараем на прынцыпах перш за ўсё справядлівасці. Гэты тэзіс я 20 з лішнім гадоў прапаведую. Аказваецца, ён сёння ў Расіі вельмі запатрабаваны. Таму ўсе банальна: камусьці хочацца панізіць градус Беларусі ў Расіі. Вось і пачынаюцца гэтыя нападкі», — адзначыў ён.
Ён падкрэсліў, што на гэта неабходна рэагаваць спакойна і мэтанакіравана. «Мы павінны абараніць свой суверэнітэт і незалежнасць. Мы не супраць расіянаў, палякаў, літоўцаў. Мы хочам быць у любым саюзе, але жыць у сваёй ўласнай кватэры. У нас гэтая кватэра ёсць. Нашы суседзі, якія б яны ні былі, мы іх не выбіраем, і мы гатовыя з усімі будаваць добрыя, цёплыя, ўзаемавыгадныя адносіны», — запэўніў беларускі кіраўнік.
«Як бы ў нас ні складваліся адносіны з Расіяй, мы ніколі не дазволім, каб у нас у Беларусі на гэтай святой зямлі дрэнна ставіліся да расіянаў. Не толькі да рускіх. І калі камусьці хочацца сутыкнуць нас - не атрымаецца. Мы ведаем, як на гэта рэагаваць», — сказаў Аляксандр Лукашэнка.
«На шчасце, ужо не толькі першы, другі, трэці каналы трансліруюцца на ўсю Расію. Але ёсць і інтэрнэт. І мы свой пункт гледжання заўсёды давядзем да рускага чалавека. Да расіяніна наогул», — адзначыў кіраўнік дзяржавы.
Разам з гэтым Аляксандр Лукашэнка не лічыць цяперашні момант адносін з Расіяй нейкім крытычным або вострым. «Проста павінен сказаць, што там з'явіліся … Ці не з'явіліся, а і былыя кіраўнікі, якія даўно працуюць, яны занялі пэўную пазіцыю ціску нават на ўласнага прэзідэнта Пуціна. Думаю, гэта ж не хлопчык, у палітыцы не пачатковец. І па сустрэчах з ім бачу, што чалавек накіраваны на тое, каб мы ні ў якім разе не разарвалі адносіны Беларусі і Расіі, — сказаў ён. — Гэта вельмі нявыгадна. Гэта будзе непаўнацэнна для яго як палітыка, а для мяне тым больш. Таму што мы заўсёды з вамі праводзілі, можна сказаць, прарасейскі курс. Прапаведуючы шмат вектарную знешнюю палітыку, мы заўсёды Расію вызначалі не проста як нашага галоўнага партнёра, а як самая блізкая, брацкая дзяржава, дзе жывуць проста нашы людзі. Так і будзе».
