Пра гэта ён заявіў сёння на сустрэчы напярэдадні 100-годдзя беларускай дыпламатычнай службы, на якой прысутнічалі міністры замежных спраў, што ў розны час узначальвалі МЗС, піша БелТА
«Апошнім часам нас пачалі папракаць, што мы запраўляем танкі (ўкраінскія) дызельным палівам. Я даручыў разабрацца, якое там дызельнае паліва. Калі мне далажылі (я толькі што даведку другі раз прачытаў), там жа ўсё дызельнае паліва расійскае. І расіяне пастаўляюць, пастаянна нарошчваючы аб'ёмы гэтых паставак — бензінаў і дызельнага паліва — ва Украіну. Дык як жа так? Мы ваюем з Украінай ці Расія? І хто запраўляе гэтыя танкі? А нашы аб'ёмы змяншаюцца. Нас проста выштурхоўваюць з ўкраінскага рынку. І не толькі па нафтапрадуктах. А таксама па ўгнаеннях і іншых пазіцыях. Ідзе канкурэнцыя. А нас пачынаюць у гэтым папракаць», — сказаў кіраўнік дзяржавы.
Аляксандр Лукашэнка таксама адказаў на папрокі аб тым, што з Украіны праз Беларусь нібыта ідуць санкцыйныя тавары. Ён падкрэсліў, што гэта мізэрныя аб'ёмы, і ў любым выпадку гаворка ідзе пра змыканне ўкраінскіх і расійскіх пастаўшчыкоў пры заступніцтве мытні і іншых службаў Расійскай Федэрацыі. «Беларусамі і не пахне там. Калі беларусы і патрэбныя, то нейкую прыватную структуру могуць падцягнуць да гэтага, каб падказалі, як лепш праехаць па Беларусі», — адзначыў ён.
Акрамя таго, ён распавёў, што яму пастаянна дакладваюць аб масіраваным прытоку зброі з Украіны. «І што самае страшнае (нас расіяне часам папракаюць: вось, у вас там праз мяжу …), праз расійскую мяжу (з Украінай) ідуць, а потым да нас заходзяць праз адкрытую беларуска-расійскую мяжу, - расказаў кіраўнік дзяржавы. - Зразумела, гэта камусьці трэба. Проста так жа вазіць не будуць з рызыкай. яно камусьці тут трэба. І мы ўжо ўбачылі, каму яно трэба было».
