У Бераставіцы расследуюць крымінальную справу ў дачыненні да 57-гадовай касіркі аднаго з банкаў райцэнтра, якая падманула кліентаў на велізарныя грошы. Тыя прыносілі валюту, каб рабіць ўклады, а касір, замест таго каб пакласці грошы на рахунак, забірала іх сабе, піша БелТА.
Праваахоўнікі ўжо высветлілі, што агульная сума скрадзенага перавысіла 200 тыс. даляраў і каля 17 тыс. еўра, але яшчэ правяраюцца факты знікнення 38 тыс. даляраў і больш чым 2 тыс. еўра кліентаў. У дачыненні да 58-гадовай спецыялісткі па аперацыйна-касавай працы заведзена ўжо больш за 10 крымінальных спраў.
— Крала грошы кліентаў і распараджалася імі па сваім меркаванні, — кажа начальнік УУС Гродзенскага аблвыканкама Вадзім Сіняўскі.
Яна спрабавала ўцячы, але своечасова была затрыманая.