Канцлер Нямеччыны Ангела Меркель не бачыць пагрозы таго, што з увядзеннем у эксплуатацыю газаправода Паўночны паток — 2 Германія трапіць у залежнасць ад Расіі. Пра гэта яна заявіла на сумеснай прэс-канферэнцыі з прэм'ер-міністрамі краін Вышаградскай групы, паведамляе Reuters.
«Ці будзем мы залежаць ад Расіі ў святле будаўніцтва другога газаправода? Я кажу — не, калі мы адначасова будзем займацца дыверсіфікацыяй», — сказала Меркель.
Па словах канцлера, Расія пастаўляла газ у Еўропу нават у часы халоднай вайны.
Меркель адзначыла, што Нямеччына «ні пры якіх умовах не паставіць сябе ў залежнасць ад адной Расіі», нагадаўшы пра планы будаўніцтва тэрміналаў па прыёме звадкаванага газу.
0
0
0
0
0
0
